ଦେବଗଡ ଜିଲ୍ଲା ତିଳେଇବଣି ବ୍ଲକ ଅସୁରଖୋଳ ଗ୍ରାମର ଲୁଲୁ ସାହୁ ବୟସ ୩୦ ବର୍ଷ ପିତା ସ୍ବର୍ଗତ ଜଗବନ୍ଧୁ ସାହୁ ମାଆ ଝଟକ ସାହୁ ଓ ସାନ ଭାଇ ପରମେଶ୍ବର ସାହୁ । ପରିବାର କହିଲେ ତିନି ଜଣ ଲୁଲୁ ଜନ୍ମ ଠାରୁ ୩/୪ ବର୍ଷ ପର୍ଯ୍ୟନ୍ତ ଖେଳାବୁଲା ଦୌଡା ଦୌଡି ସବୁ କରୁଥିଲା । ହଠାତ ୫ ବର୍ଷ ବୟସରେ ଦିନେ କୌଣସି ଅଜଣା ରୋଗରେ ପଡି ରହିଲା ଯେ ଆଜି ପର୍ଯ୍ୟନ୍ତ ସେ ବିଛଣାରେ ହିଁ ଶୋଇ ରହିଛି । ଖାଇବାକୁ ଦେଲେ ଖାଉଛି ନ ହେଲେ ନାହିଁ ଝାଡା ପରିସ୍ରା ସବୁ ସେଇ ବିଛଣାରେ । ଆଜକୁ ପ୍ରାୟ ୨୫ ବର୍ଷ ହେଲା ଏମିତି ଶୋଇ ରହିଛି । ଛୋଟ ବେଳେ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ଏବଂ ପରେ ଡାକ୍ତରଙ୍କ ପରାମର୍ଶ କ୍ରମେ ବୁର୍ଲା ନେଇଥିଲେ । ସେଠାରୁ ପୁଣି କଟକ ବଡ ମେଡିକାଲ ସ୍ଥାନାନ୍ତରିତ କରିବା ପାଇଁ ଡାକ୍ତର କହିଥିଲେ । କିନ୍ତୁ ବିଧବା ମାଆ ଝଟକ ସାହୁ ଗରିବ ପରିବାରର ହୋଇଥିବାରୁ ତାଙ୍କ ପକ୍ଷେ କଟକ ନେଇ ଲୁଲୁକୁ ଚିକିତ୍ସା କରିବା ସମ୍ଭବ ପର ହୋଇ ନ ଥିଲା । ତେଣୁ ପୁତ୍ର ଲୁଲୁକୁ ଘରକୁ ଫେରାଇ ଆଣି ଘରେ ରଖିଛନ୍ତି । ଏବଂ ଆମ ଗଣମାଧ୍ୟମ ଦ୍ବାରା ସରକାରଙ୍କୁ ସାହାର୍ଯ୍ୟର ଭିକ୍ଷା ମାଗିଛନ୍ତି ଲୁଲୁଙ୍କ ପରିବାର ।
ଯଦି ସରକାର ଓ ଜିଲ୍ଲା ପ୍ରସାଶନ ଏହାକୁ କୃପା ଦୃଷ୍ଟି ରଖି ସହାୟତାର ହାତ ବଢ଼ାନ୍ତେ ତାହେଲେ ଏହି ଗରିବ ପରିବାରରେ ଖୁସି ଭରିଯାଆନ୍ତା ବୋଲି ଗ୍ରାମବାସୀ କହିଛନ୍ତି ।।