କରୋନା ଭୂତାଣୁ ବିରୋଧୀ ଲଢ଼େଇରେ ପୁରୁଷଙ୍କ ତୁଳନାରେ ମହିଳା ଅଧିକ ଶକ୍ତିଶାଳୀ। ପୁରୁଷଙ୍କ ଶରୀରରେ ଥିବା ଆଣ୍ଟିବଡି ତୁଳନାରେ ମହିଳାଙ୍କ ଶରୀରରେ ଥିବା ଆଣ୍ଟିବଡି ଅଧିକ। ମୁମ୍ବଇରେ ପ୍ରଶାସନ ପକ୍ଷରୁ ହୋଇଥିବା ସେରୋ ସର୍ଭେରୁ ଏହି ତଥ୍ୟ ସାମ୍ନାକୁ ଆସିଛି।
ଦେଶରେ କରୋନା ଭୂତାଣୁରେ ସବୁଠୁ ଅଧିକ ପ୍ରଭାବିତ ହୋଇଥିବା ରାଜ୍ୟ ହେଉଛି ମହାରାଷ୍ଟ୍ର। ପ୍ରତିଦିନ ଏଠାରେ ବହୁ ସଂଖ୍ୟାରେ ସଂକ୍ରମିତ ଚିହ୍ନଟ ହେଉଥିବାରୁ ବୃହନମୁମ୍ବଇ ନଗର ନିଗମ (ବିଏମସି) ପକ୍ଷରୁ ଆର୍ଥିକ ରାଜଧାନୀ ମୁମ୍ବଇରେ ସେରୋ ସର୍ଭେ କରାଯାଇଥିଲା, ଯେଉଁଥିରୁ ଉପରୋକ୍ତ ତଥ୍ୟ ମିଳିଛି।