କେମିତି କଟିବ ୨୦୨୧? ଜାଣନ୍ତୁ ଆପଣଙ୍କ ରାଶିଫଳ

ବର୍ଷ ଶେଷ ପର୍ଯ୍ୟନ୍ତ  ଆପଣଙ୍କର ବର୍ତ୍ତମାନର ସ୍ଥିତିରେ ବିଶେଷ ପରିବର୍ତ୍ତନର ସମ୍ଭାବନା ନାହିଁ। ନବମ ଶନି, ସପ୍ତମ କେତୁ ଓ ଜନ୍ମରାହୁ ଦୁର୍ଘଟଣା, ରୋଗ ଓ ପୀଡ଼ାକାରକ। ଶନି ସପ୍ତା ବର୍ଷ ସାରା ବଳବର ରହିବ। ବୃହସ୍ପତି ୯ମରୁ ୧୦ମକୁ ଯାଇ ପୁଣି ୯ମକୁ ଓ ତା’ପରେ ୧୦ମକୁ ଫେରିବେ। ୯ମ ବୃହସ୍ପତି ନୀଚସ୍ଥ ହେଲେ ମଧ୍ୟ ତାଙ୍କର ନୀଚଭଙ୍ଗ ହେଉଥିବାରୁ ଶୁଭଫଳଦାୟୀ ହେବେ। ତୀର୍ଥଯାତ୍ରା ବ୍ୟତୀତ ଦୂରଯାତ୍ରା ନ କରିବା ଭଲ। ମାଲିମକଦ୍ଦମା ଓ ବିବାଦରେ ପଶିବା ଉଚିତ ନୁହେଁ। ମାନସିକ ଦୁଶ୍ଚିନ୍ତା, ଅବସାଦ ଦେଖାଦେଇପାରେ। ଘାତ ପ୍ରତିଘାତ ଓ ପ୍ରତିବନ୍ଧକ ମଧ୍ୟରେ ସମୟ ଅତିବାହିତ ହେବ। କିନ୍ତୁ ବୃଷ ରାଶି ପାଇଁ ଶନି ଯୋଗକାରକ ହୋଇଥିବାରୁ ପ୍ରତିକାର କଲେ ଓ ସତ୍‌କାର୍ଯ୍ୟରେ ରତ ରହିଲେ ଅଶୁଭଫଳ ହ୍ରାସ ପାଇବ।

ଶିଳ୍ପ-ବାଣିଜ୍ୟ ଓ ଚାକିରି କ୍ଷେତ୍ରରେ ଶୁଭଫଳ ମିଳିବ। ସତ୍‌ନିଷ୍ଠା ଦୃଢ଼ ମନୋବଳ ବୃଦ୍ଧି କରିବ। କାର୍ଯ୍ୟକ୍ଷେତ୍ରରେ ନିଜର ଦକ୍ଷତା ପ୍ରତିପାଦନ କରିପାରିବେ। ଶିଳ୍ପୋଦ୍ୟୋଗ ଓ ବ୍ୟବସାୟରେ ସଫଳତା ମିଳିବ। ସ୍ତ୍ରୀ ବା ସ୍ତ୍ରୀଲୋକଙ୍କ ସହ ଝଗଡ଼ା କରନ୍ତୁ ନାହିଁ। ତାହା ଅଯଥା ବିବାଦକୁ ଡାକିଆଣି ପାରେ। କିଛି ଆହ୍ବାନର ସାମନା କରିବାକୁ ପଡ଼ିପାରେ। ଜୀବନସାଥୀ ପାଇଁ ବା କୌଣସି ଧାର୍ମିକ କାର୍ଯ୍ୟକଳାପରେ ଟଙ୍କା ଖର୍ଚ୍ଚ କରିପାରନ୍ତି। ଶନିସପ୍ତାର ପ୍ରତିକୂଳତାରୁ ରକ୍ଷା ପାଇବା ପାଇଁ ପ୍ରତିକାରସ୍ବରୂପ ’ଓଁ ଶଂ ଶନୈଶ୍ଚରାୟ ନମଃ’ ମନ୍ତ୍ର ଜପ କରନ୍ତୁ। ସକାଳେ ସଜ ରୁଟି ଛିଣ୍ଡାଇ କୁଆଙ୍କୁ ଖାଇବାକୁ ଦିଅନ୍ତୁ। ଶନିବାର ସନ୍ଧ୍ୟା ସମୟରେ ଅଶ୍ୱତ୍ଥବୃକ୍ଷ ଚାରିପଟେ ଶନିଙ୍କ ମନ୍ତ୍ର ଜପ କରି ପ୍ରଦକ୍ଷିଣ କରିବା ସହ ଦୀପଦାନ କରନ୍ତୁ।

କୃତ୍ତିକା ନକ୍ଷତ୍ର ଅସାବଧାନତା ହେତୁ ଚୋରି, ଠକାମିର ଶିକାର ହୋଇପାରନ୍ତି। ରୋହିଣୀ ନକ୍ଷତ୍ର ପାଇଁ ପରିସ୍ଥିତି ବର୍ଷର ମଧ୍ୟଭାଗରେ ଅନୁକୂଳ ରହିବ। ମୃଗଶିରା ନକ୍ଷତ୍ରଜାତ ବ୍ୟକ୍ତି ଅନେକ ଶୁଭଫଳ ପାଇବେ। ପାରିବାରିକ ସମସ୍ୟାର ସମାଧାନ, ମାଙ୍ଗଳିକ କାର୍ଯ୍ୟ ଓ ଋଣ ପରିଶୋଧର ଅବସର ମିଳିବ। ଅଶୁଭତ୍ୱର ପ୍ରତିକାର ସ୍ବରୂପ କଳା ବ୍ରାହ୍ମଣଙ୍କୁ ଲୌହ ଦାନ କରନ୍ତୁ ଏବଂ ‘ଓଁ ଶଂ ଶନୈଶ୍ଚରାୟ ନମଃ’ ମନ୍ତ୍ର ଜପ କରନ୍ତୁ। ଶନିବାର ଓ ମଙ୍ଗଳବାର ହନୁମାନ ଚାଳିଶା ପାଠ କରନ୍ତୁ।

ବର୍ଷ ଆରମ୍ଭରୁ ୭ମରେ ଶନି, ବୃହସ୍ପତି, ୫ମରେ କେତୁ ଓ ଏକାଦଶରେ ରାହୁ ଅଛନ୍ତି। ୭ମ ବୃହସ୍ପତି କର୍ମକ୍ଷେତ୍ରରେ ଓ ଆର୍ଥିକ ଦୃଷ୍ଟିରୁ ଶୁଭଫଳ ଦେବେ। ୭ମ ଶନି ଅଶୁଭ ହେଲେ ମଧ୍ୟ ସ୍ବଗୃହୀ ଓ ବୃହସ୍ପତିଯୁକ୍ତ ହେତୁ ଅଶୁଭଫଳଦାୟକ ହେବେନାହିଁ। ତଥାପି ଶନିସପ୍ତାର ପ୍ରଥମ ଚରଣ ଭୋଗ ଚାଲିଥିବାରୁ ଏହାର ପ୍ରତିକୂଳତାରୁ ରକ୍ଷା ପାଇବା ପାଇଁ ପ୍ରତିକାରସ୍ୱରୂପ ‘ଓଁ ଶଂ ଶନୈଶ୍ଚରାୟ ନମଃ’ ମନ୍ତ୍ର ଜପ କରନ୍ତୁ। ସକାଳେ ସଜ ରୁଟି ଛିଣ୍ଡାଇ କୁଆଙ୍କୁ ଖାଇବାକୁ ଦିଅନ୍ତୁ। ଶନିବାର ସନ୍ଧ୍ୟା ସମୟରେ ଅଶ୍ୱତ୍ଥବୃକ୍ଷ ଚାରିପଟେ ଶନିଙ୍କ ମନ୍ତ୍ର ଜପ କରି ପ୍ରଦକ୍ଷିଣ କରିବା ସହ ଦୀପଦାନ କରନ୍ତୁ।

କଳା ବ୍ରାହ୍ମଣଙ୍କୁ ଲୌହ, ବିରି, ଗୁଡ଼, ସୋରିଷ ତେଲ ଦକ୍ଷିଣା ସହ ଦାନ କରନ୍ତୁ। ବର୍ଷକ ଭିତରେ ବୃହସ୍ପତିଙ୍କର ତିନିଥର ଚଳନ ଘଟି ସେ ସପ୍ତମରୁ ଅଷ୍ଟମକୁ ଓ ପୁଣି ସପ୍ତମକୁ ଓ ତା’ପରେ ଅଷ୍ଟମକୁ ଯିବେ। ଲଗ୍ନକୁ ବୃହସ୍ପତି ଶୁଭ ହୋଇଥିଲେ ହଳଦିଆ ବସ୍ତ୍ର ଓ ପୋଖରାଜ ପରିଧାନ କରନ୍ତୁ। ତ’ହେଲେ ଆର୍ଥିକ ସମସ୍ୟା ଦୂର ହୋଇପାରିବ। ଗୃହରେ ମାଙ୍ଗଳିକ କାର୍ଯ୍ୟ ସମ୍ପନ୍ନ କରିପାରନ୍ତି। ବ୍ୟବସାୟ, ବାଣିଜ୍ୟ, ଶିଳ୍ପ ଆଦି କାର୍ଯ୍ୟରେ ଉନ୍ନତି ଘଟିବ। ସାମାଜିକ ସ୍ତରରେ ସମ୍ମାନ, ପ୍ରଶଂସା ଓ ପ୍ରତିଷ୍ଠା ପାଇବେ। ଏକାଦଶ ରାହୁ ଆର୍ଥିକ ଓ ବ୍ୟବସାୟଗତ ସମସ୍ୟା ଦୂର କରି ପାରନ୍ତି। ପଞ୍ଚମ କେତୁର ପ୍ରତିକାର ପାଇଁ ’ଓଁ କେଂ କେତବେ ନମଃ’ ମନ୍ତ୍ର ଜପ କରନ୍ତୁ ଓ କଳା ବ୍ରାହ୍ମଣଙ୍କୁ ଛାଗଦାନ କରନ୍ତୁ।

ପୁନର୍ବସୁ ନକ୍ଷତ୍ରର ବ୍ୟକ୍ତି ନୀଚ ସଙ୍ଗରୁ ଦୂରରେ ରହିବା ଉଚିତ। ପୁଷ୍ୟା ନକ୍ଷତ୍ର ଉତ୍ତମ ଫଳ ପାଇବେ। ଅଶ୍ଳେଷା ନକ୍ଷତ୍ରର ବ୍ୟକ୍ତି ବିଳମ୍ବରେ ହେଲେ ବି ନିଜର ସ୍ୱପ୍ନ ସାକାର କରିପାରିବେ।

ବର୍ଷଟି ଆପଣଙ୍କ ପାଇଁ ବହୁ ଦୃଷ୍ଟିରୁ ବିଘ୍ନକାରକ। ଅର୍ଥଚିନ୍ତା ଘାରିବ। ଋଣ କରିବାକୁ ପଡ଼ିପାରେ କିମ୍ବା ଋଣ ପରିଶୋଧର ଚିନ୍ତା ଘାରିପାରେ। ପରିବାରରେ ଅଶାନ୍ତି ଦେଖାଦେଇପାରେ। କଣ୍ଟକ ଶନି ଆପଣଙ୍କୁ କଣ୍ଟା ଉପରେ ଚଲେଇବାର ଅନୁଭତି ହେବେ। ଏବର୍ଷ ଶନି ମକରରେ ବର୍ଷସାରା ରହିବେ ଏବଂ ଏ ଅବସ୍ଥାନ ଆପଣଙ୍କ ପାଇଁ ଶୁଭକାରକ ନୁହେଁ। ତେବେ ଶୁଭଗ୍ରହ ବୃହସ୍ପତି ଯୁକ୍ତ ହେବା ଯୋଗୁ ଏବଂ ମକରରେ ସ୍ବଗୃହୀ ହେବା ଯୋଗୁ ଅଶୁଭତ୍ୱ ହ୍ରାସ ପାଇବ ଏବଂ ସମସ୍ୟାରୁ ମୁକୁଳିବାର ବାଟ ପାଇପାରିବେ। ତଥାପି କିଛିଟା କଷ୍ଟ ତ ସହିବାକୁ ପଡ଼ିବ। ଅଗ୍ନିରେ ପଡ଼ିଲେ ସିନା ସୁନା ଝଟକିଥାଏ। ସେହିପରି ଦୁଃଖକଷ୍ଟର କଷଟିରେ କଷିହୋଇ ଆପଣଙ୍କ ଚରିତ୍ରର ଦ୍ୟୁତି ପ୍ରକଟିତ ହେବ।

ତେବେ ପେଟରୋଗ, ବାୟୁଦୋଷ, ଅଣ୍ଟା ଯନ୍ତ୍ରଣା, ଦୃଷ୍ଟିଶକ୍ତିରେ ହ୍ରାସ ପ୍ରଭୃତି ସମସ୍ୟା ଦେଖାଦେଇ ପାରେ। ମାଆଙ୍କ ସ୍ୱାସ୍ଥ୍ୟ ନେଇ ଚିନ୍ତିତ ହୋଇପାରନ୍ତି। ଅବୋଲକରା ସନ୍ତାନ ଆପଣଙ୍କ ମନରେ ଦୁଃଖ ଦେଇପାରନ୍ତି। ନିଜର ଜ୍ଞାତି, ଭାଇ ଓ କୁଟୁମ୍ବଙ୍କ ଚିନ୍ତାଧାରା ଆପଣଙ୍କ ପ୍ରତି ବଦଳିଯାଇପାରେ। ଆୟ ତୁଳନାରେ ବ୍ୟୟ ଅଧିକ ହେବାରୁ ଋଣ କରିବା କଥା ଚିନ୍ତା କରିପାରନ୍ତି। କିନ୍ତୁ ଖର୍ଚ୍ଚ କମାଇ ଋଣକୁ ଏଡ଼ାଇପାରିଲେ ଭଲ ହେବ। କାରଣ ରୋଗ, ଋଣ ଓ ଶତ୍ରୁ କ୍ରମଶଃ ବଢ଼ିବାର ପ୍ରବଣତା ଦେଖାନ୍ତି। ବୃହସ୍ପତିଙ୍କ କୁମ୍ଭସ୍ଥିତି ସମୟରେ ତାଙ୍କର ମନ୍ତ୍ର ’ଓଁ ବୃଂ ବୃହସ୍ପତୟେ ନମଃ’ ଜପ କରନ୍ତୁ ଏବଂ ବ୍ରାହ୍ମଣଙ୍କୁ ହଳଦିଆ ବସ୍ତ୍ର, ଖେଚୁଡ଼ି ଅନ୍ନ, ମୁଗଡାଲି ଓ ଘିଅ ଦାନ କରନ୍ତୁ। ଶନିଙ୍କ ଅଶୁଭତ୍ୱ ନିରାକରଣ ପାଇଁ ଶନିଙ୍କ ମନ୍ତ୍ର ’ଓଁ ଶଂ ଶନୈଶ୍ଚରାୟ ନମଃ’ ଜପ କରନ୍ତୁ। ଏଥି ସହ ପ୍ରତ୍ୟହ ସକାଳେ ହନୁମାନ ଚାଳିଶା ଓ ରାତିରେ ଶନି ଚାଳିଶା ପାଠ କଲେ ଶନିଜନିତ ପ୍ରତିକୂଳ ପରିସ୍ଥିତିରୁ ରକ୍ଷା ପାଇପାରିବେ। କୌଣସି ସମସ୍ୟା ରହିବ ନାହିଁ।

ଉତ୍ତରାଫାଲ୍‌ଗୁନୀ ନକ୍ଷତ୍ର କାର୍ଯ୍ୟକ୍ଷେତ୍ରରେ ପଦୋନ୍ନତି, ଆର୍ଥିକ ଲାଭ, ବ୍ୟବସାୟିକ ସଫଳତା ପ୍ରଦାନ କରିବ। ହସ୍ତା ନକ୍ଷତ୍ର ଅତୀତର ବିଫଳତାରୁ ଶିକ୍ଷା କରି ପୁଣି ନୂତନ ଉତ୍ସାହରେ କାର୍ଯ୍ୟରେ ମନୋନିବେଶ କରିପାରନ୍ତି। ଚିତ୍ରା ନକ୍ଷତ୍ରଜାତ ବ୍ୟକ୍ତି କଳା, ସାହିତ୍ୟ, ସଂସ୍କୃତି ଓ ଆଧ୍ୟାତ୍ମିକ କ୍ଷେତ୍ରରେ ସଫଳତା ପାଇବେ।

ଆପଣଙ୍କ ଜନ୍ମରାଶିରୁ ଚତୁର୍ଥରେ ବର୍ଷ ଆରମ୍ଭରେ ଶନି, ବୃହସ୍ପତି, ସପ୍ତମରେ ମଙ୍ଗଳ, ଦ୍ୱିତୀୟରେ କେତୁ, ଶୁକ୍ର, ତୃତୀୟରେ ରବି ଓ ବୁଧ ଏବଂ ଅଷ୍ଟମରେ ରାହୁ ଅଛନ୍ତି। ଏମାନଙ୍କ ମଧ୍ୟରୁ ଶନି, ବୃହସ୍ପତି, ମଙ୍ଗଳ ଓ ରାହୁ ଅଶୁଭଫଳଦାୟୀ। ଏପ୍ରିଲରୁ ସେପ୍ଟେମ୍ବର ମଧ୍ୟରେ କୁମ୍ଭସ୍ଥ ବୃହସ୍ପତିଙ୍କ ଶୁଭତ୍ୱ ବୃଦ୍ଧିରେ ସହାୟକ ହେବେ। କିନ୍ତୁ ଚତୁର୍ଥ ଶନି ଓ ବୃହସ୍ପତି ଅଶୁଭକାରକ ହେଲେ ମଧ୍ୟ ତୁଳାରାଶିକୁ ଶନି ଯୋଗକାରକ ଓ ମକରରେ ସ୍ୱଗୃହୀ ହେତୁ ଓ ନୈସର୍ଗିକ ଶୁଭଗ୍ରହର ସମ୍ପର୍କ ହେତୁ ଅଶୁଭଫଳ ଦେବେ ନାହିଁ। ବିଶେଷତଃ ମାତା, ଭୂମି, ଭବନ, ବନ୍ଧୁ ସମ୍ପର୍କୀୟ ଶୁଭଫଳ ମିଳିବ। ଆର୍ଥିକ ସ୍ୱଚ୍ଛଳତା ଓ କର୍ମ କ୍ଷେତ୍ରରେ ଉନ୍ନତି ଘଟିବ। ନୂତନ ଜମିଜମା, ଯାନବାହନ ଲାଭ,  ବ୍ୟବସାୟ-ବାଣିଜ୍ୟରେ ଅଭିବୃଦ୍ଧି ଆଦି ସମ୍ଭାବନା ସୃଷ୍ଟି କରିବେ। ତେବେ ବୃଥା ଯାତ୍ରା, ଅର୍ଥହାନି, ବ୍ୟବସାୟାଦିରେ କ୍ଷତି, ମନସ୍ତାପ, କଳହ ଆଦି ଦେଖାଦେଇପାରେ। ସନ୍ତାନଙ୍କ ଭୁଲ୍‌ କାମ ଯୋଗୁ ଲଜ୍ଜିତ ହୋଇପାରନ୍ତି।

ଚିତ୍ରା ନକ୍ଷତ୍ରଜାତ ବ୍ୟକ୍ତିଙ୍କ ପାଇଁ ବର୍ଷର ଶେଷଭାଗରେ ଭାଗ୍ୟ ଅନୁକୂଳ ହେବ। ଆଦ୍ୟଭାଗରେ ପୂଜା ପୂର୍ବକ ଶୁଭଫଳ ମିଳିବ। ସ୍ୱାତୀ ନକ୍ଷତ୍ରଜାତ ବ୍ୟକ୍ତି ଭ୍ରାତୃ ସହଯୋଗରୁ ଉନ୍ନତି କରିବେ। କ୍ରୀଡ଼ା, କଳା, ସଂସ୍କୃତି କ୍ଷେତ୍ରରେ ଶୁଭଫଳ ପାଇବେ। ଅଧା ରହିଥିବା କାର୍ଯ୍ୟ ସମ୍ପୂର୍ଣ୍ଣ ହେବ। ବିଶାଖା ନକ୍ଷତ୍ରଜାତ ବ୍ୟକ୍ତିଙ୍କ ପାଇଁ ବର୍ଷର ପୂର୍ବାର୍ଦ୍ଧ ଅପେକ୍ଷା ଶେଷାର୍ଦ୍ଧ ଅଧିକ ଅନୁକୂଳ ହେବ। ସ୍ବାସ୍ଥ୍ୟ ଭଲ ରହିବ। ବୃହସ୍ପତିଙ୍କ ଅଶୁଭତ୍ୱ ଦୂର ପାଇଁ ବୃହସ୍ପତିଙ୍କ ମନ୍ତ୍ର ’ଓଁ ବୃଂ ବୃହସ୍ପତୟେ ନମଃ’ ଜପ କରନ୍ତୁ ଏବଂ ବ୍ରାହ୍ମଣଙ୍କୁ ହଳଦିଆ ବସ୍ତ୍ର, ଖେଚୁଡ଼ି ଅନ୍ନ, ମୁଗଡାଲି ଓ ଘିଅ ଦାନ କରନ୍ତୁ।

ବର୍ଷଟି ଆପଣଙ୍କ ପାଇଁ ମିଶ୍ରିତ ଫଳ ଦେବ। ବର୍ଷ ସାରା ଶନି ଶୁଭ ଓ ବୃହସ୍ପତି ଅଶୁଭ ଥିବା ବେଳେ ରାହୁ ଓ କେତୁ ମଧ୍ୟ ଅଶୁଭଫଳ ଦେବେ। ବ୍ୟବସାୟ-ବାଣିଜ୍ୟରେ ଉନ୍ନତି, ଆର୍ଥିକ କାରବାରରେ ଲାଭ, ବନ୍ଧୁ-ପରିଜନରେ ସୌଖ୍ୟ ମିଳିବ। ତୀର୍ଥଯାତ୍ରାର ସୁଯୋଗ ମିଳିପାରେ। ଚାକିରି ବା କର୍ମକ୍ଷେତ୍ରରେ ପ୍ରଶଂସା, ପଦୋନ୍ନତି ବା ଆୟବୃଦ୍ଧିର ସମ୍ଭାବନା ରହିଛି। ମନୋବାଞ୍ଛା ପୂରଣ ହେବ। ନୂତନ ଦ୍ରବ୍ୟ କ୍ରୟ କରିପାରନ୍ତି। ଉପରିସ୍ଥ କର୍ମକର୍ତ୍ତାଙ୍କ ଅନୁଗ୍ରହ ପାଇପାରିବେ। ଜନ୍ମ ଜାତକରେ ଦଶାଫଳ ଶୁଭ ଥିଲେ କିଛି ଚିନ୍ତା କରିବାର କାରଣ ନାହିଁ। କିନ୍ତୁ ୭ମସ୍ଥ ରାହୁ ତଥା ଜନ୍ମ କେତୁ ସ୍ୱାସ୍ଥ୍ୟହାନି ଓ ଦୁର୍ଘଟଣାକାରକ।

ପରିବାରରେ ବି ବିଶୃଙ୍ଖଳା ସୃଷ୍ଟି ହୋଇପାରେ। ଆପଣଙ୍କ ରାଗୀ ସ୍ବଭାବ ନିଜ ପାଇଁ ଅଶାନ୍ତି ଓ ବିପଦ ଡାକିଆଣିପାରେ। ସାବଧାନରେ ଚଳନ୍ତୁ। ଆର୍ଥିକ ସ୍ଥିତି, ସାମାଜିକ କ୍ଷେତ୍ର ସାଙ୍ଗକୁ ରାଜନୈତିକ ପରିସ୍ଥିତି ମଧ୍ୟମ ପ୍ରକାର ରହିବ। ଅନାବଶ୍ୟକ ଭାବେ ଅତିରିକ୍ତ ବ୍ୟୟ ଓ ବିଳାସବ୍ୟସନଠାରୁ ଦୂରରେ ରହିବା ଉଚିତ। ପ୍ରତି ଗୁରୁବାର, ଶନିବାର ଓ ରବିବାର ନିରାମିଷ ଭୋଜନ କରନ୍ତୁ। ବିନା ପିଆଜ ରସୁଣ ସହ ଶୁଦ୍ଧ ସାତ୍ତ୍ବିକ ଆହାର ଆପଣଙ୍କ ପାଇଁ ଶୁଭଙ୍କର। ବୃହସ୍ପତିଙ୍କ ମନ୍ତ୍ର ’ଓଁ ବୃଂ ବୃହସ୍ପତୟେ ନମଃ’ ଜପ କରନ୍ତୁ। ହଳଦିଆ ବସ୍ତ୍ର, ମୁଗଡାଲି, ଗୁଡ଼, ଘିଅ ଦାନ କରନ୍ତୁ। ଶୁଭଫଳ ପାଇବେ।

ବିଶାଖା ନକ୍ଷତ୍ରଜାତ ବ୍ୟକ୍ତି ଆଶା ଓ ଆଶଙ୍କା ଭିତରେ ସମୟ କାଟିବେ। ଅନୁରାଧା ନକ୍ଷତ୍ର ଅର୍ଥ, ଶ୍ରମ ଓ ସମୟକୁ ବିନିଯୋଗ କରି ମଧ୍ୟ ଦୈବ ସହଯୋଗ ବିନା କାର୍ଯ୍ୟରେ ସଫଳ ହେବା କଷ୍ଟକର ହେବ। ସେଥିପାଇଁ ନିରାମିଷ ଭୋଜନ ସହ ଗୁରୁମନ୍ତ୍ର ଜପ କରନ୍ତୁ। ଜ୍ୟେଷ୍ଠା ନକ୍ଷତ୍ରଜାତ ବ୍ୟକ୍ତି ଚାକିରି ବା ବ୍ୟବସାୟ ଯାହା କରନ୍ତୁ ନା କାହିଁକି ସଫଳତା, ପ୍ରଶଂସା ଓ ଲାଭ ସୁଗମ ହେବ। ଘରକୁ ଅତିଥି-ଅଭ୍ୟାଗତଙ୍କ ଆଗମନ ଘଟିପାରେ।

ବର୍ଷସାରା ଜନ୍ମରାଶିରେ ଶନି ଓ ବୃହସ୍ପତି ଅଶୁଭଫଳଦାୟକ ହେବେ। ଏବେ ଶନି ସାଢ଼େସାତୀର ଦ୍ବିତୀୟ ଚରଣ ଭୋଗ ଚାଲିଛି। ବୃଥା ଯାତ୍ରା, ଅର୍ଥହାନି, ବ୍ୟବସାୟାଦିରେ କ୍ଷତି, ମନସ୍ତାପ, କଳହ ଆଦି ଦେଖାଦେଇପାରେ। ସନ୍ତାନଙ୍କ ଭୁଲ୍‌ କାମ ଯୋଗୁ ଲଜ୍ଜିତ ହୋଇପାରନ୍ତି। ଏହାପରେ ପରିସ୍ଥିତିରେ ଉନ୍ନତି ଦେଖାଯିବ। ଆର୍ଥିକ ସ୍ବଚ୍ଛଳତା ଫେରିଆସିବ। କିନ୍ତୁ ମକରରେ ଶନି ଶୁଭଯୁକ୍ତ ଓ ସ୍ୱଗୃହୀ ହେଉଥିବାରୁ ଅଶୁଭତ୍ୱ ହ୍ରାସ ପାଇବ। ଶୁଭ ଫଳ ମିଳିବାରେ ବିଳମ୍ବ ହେବ। ଏକାଧିକ ଧନ୍ଦାରେ ହାତ ଦେଇ ଚିନ୍ତାଗ୍ରସ୍ତ ରହିବେ। ଭଲକରି ଟିକେ ଖାଇବା ପିଇବାକୁ ବି ସମୟ ମିଳିବ ନାହିଁ। ଆର୍ଥିକ ପରିସ୍ଥିତି ମଧ୍ୟମ ପ୍ରକାର ରହିବ।

ଦ୍ୱିତୀୟାର୍ଦ୍ଧରେ ପୂର୍ବକୃତ ଶ୍ରମର ଫଳ ମିଳିପାରେ। ସତ୍‌କର୍ମ କେବେହେଲେ ବ୍ୟର୍ଥ ଯାଏ ନାହିଁ, ଏହି ଆପ୍ତବାକ୍ୟର ସତ୍ୟତା ଅନୁଭବ କରିବେ। ତଥାପି ଶନି ସାଢ଼େସାତୀ ଭୋଗ ହେଉଥିବାରୁ ଜଗିରଖି ଚଳିବା ଆବଶ୍ୟକ। ସକାଳେ ହନୁମାନ ଚାଳିଶା ଓ ରାତିରେ ଶନି ଚାଳିଶା ପାଠ କରନ୍ତୁ କିମ୍ବା ଶନି ମନ୍ତ୍ର ’ଓଁ ଶଂ ଶନୈଶ୍ଚରାୟ ନମଃ’ ଜପ କରନ୍ତୁ।

ଉତ୍ତରାଷାଢ଼ା ନକ୍ଷତ୍ର ପାଇଁ ଫଳ ମଧ୍ୟମ ପ୍ରକାର ହେବ। ଶ୍ରବଣା ନକ୍ଷତ୍ରଜାତ ବ୍ୟକ୍ତିଙ୍କ ପରିବାରରେ ହସଖୁସିର ଅବସର ମିଳିବ। ବର୍ଷର ଉତ୍ତରାର୍ଦ୍ଧରେ ଘରେ ନୂତନ ସ୍ଥାୟୀ ଅତିଥିଙ୍କ କୁଆଁ କୁଆଁ ଧ୍ୱନି ଶୁଣାଯାଇପାରେ। ଧନିଷ୍ଠା ନକ୍ଷତ୍ରଜାତ ବ୍ୟକ୍ତି ବୃହସ୍ପତିଙ୍କ ମନ୍ତ୍ର ’ଓଁ ବୃଂ ବୃହସ୍ପତୟେ ନମଃ’ ମନ୍ତ୍ର ଜପ କରନ୍ତୁ। କୌଣସି ସମସ୍ୟା ରହିବ ନାହିଁ।