ମାଲକାନଗିରି (କୋଶଲ ନ୍ୟୁଜ୍) ମାଲକାନଗିରି ଜୟପୁର ରେଳ ପ୍ରକଳ୍ପ ନିମନ୍ତେ ହୋଇଥିବା ସର୍ଭେର ଆଜି ପୁନଃ ଯାଞ୍ଚ କରାଯାଇଛି ।ମାଲକାନଗିରିଠାରୁ ଜୟପୁର ପର୍ଯ୍ୟନ୍ତ ମୋଟ ୧୨୬ କିଲୋମିଟର ଲମ୍ବର ରେଳପଥ ମଧ୍ୟରୁ ୪୬ କିଲୋମିଟର ମାଲକାନଗିରି ଜିଲ୍ଲା ମଧ୍ୟ ଦେଇ ଯାଉଛି । ରେଳ ପ୍ରକଳ୍ପ ପାଇଁ ଜମି ଅଧିଗ୍ରହଣ ନେଇ ପୂର୍ବରୁ ସର୍ଭେ କରାଯାଇଥିଲା l ସେତେବେଳେ ସେହି ଜମି ଜିଲ୍ଲାରେ ନିର୍ମାଣ ହେଉଥିବା ଏୟାର ଷ୍ଟ୍ରିପ ମଧ୍ୟ ଦେଇ ଯାଉଥିବାରୁ ରେଳ ଲାଇନର ଗତି ପଥ ପରିବର୍ତନ କରାଯିବା ନେଇ ଯେଉଁ ପ୍ରସ୍ତାବ ଦିଆଯାଇଥିଲା, ସେଗୁଡ଼ିକୁ ପୁନଃ ଯାଞ୍ଚ କରାଯାଉଛି ।ଏଥିରେ ସରକାରୀ ଜମି ଓ ବେସରକାରୀ ଜମିର କେତେ ପରିମାଣରେ ଯାଉଛି, ରେଳ ଲାଇନ ଗତିପଥ ଠିକ ଅଛି କି ନାହିଁ, ସେଗୁଡ଼ିକ ମଧ୍ୟ ଯାଞ୍ଚ କରାଯାଇଥିଲା l ଏହି ଯାଞ୍ଚ ସମୟରେ ମାଲକାନଗିରି ତହସିଲଦାର ଡଃ.ଗୁଣନିଧି ନାୟକ, ବିଶାଖାପାଟଣାସ୍ଥିତ ଇଷ୍ଟ କୋଷ୍ଟ ରେଲୱେର ସିନିୟର ସେକ୍ସନ ଇଞ୍ଜିନିୟର ସୂର୍ଯ୍ୟ ନାରାୟଣ, ହାଇଦ୍ରାବାଦର ମାଆ ଟ୍ରଷ୍ଟ ଆଣ୍ଡ ଇନଫା ସର୍ଭେ କମ୍ପାନୀର ଭେଙ୍କେଟେଶ ଓ ରାଜସ୍ଵ କର୍ମଚାରୀମାନେ ମାନଚିତ୍ର ନେଇ ରେଳ ପ୍ରକଳ୍ପ ପାଇଁ ନିର୍ଦ୍ଧାରିତ ହୋଇଥିବା ସ୍ଥାନ ଗୁଡିକର ପୁନଃ ଯାଞ୍ଚ କରିଛନ୍ତି ।