ରାୟଗଡା(କୋଶଲ ନ୍ୟୁଜ୍):-ରାୟଗଡା ଜିଲ୍ଲା ଜିଲ୍ଳାପାଳ ତଥା ଜିଲ୍ଳା ସଂସ୍କୃତି ପରିଷଦ ଅଧ୍ୟକ୍ଷା ସ୍ୱଧାଦେବ ସିଂଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜିଲ୍ଳାର କଳା ଓ ସଂସ୍କୃତିର ‘ଚଇତି ମହୋତ୍ସବ ଓ ପଲ୍ଳିଶ୍ରୀ ମେଳା-୨୦୨୩’ ଆରମ୍ଭ ହୋଇଯାଇଛି । ଆଜି ଡିସେମ୍ବର ୨୬ ତାରିଖରୁ ୩୦ ତାରିଖ ପର୍ଯ୍ୟନ୍ତ ୫ଦିନ ଧରି ଚାଲିବାକୁ ଥିବା ମଝିଘରିଆଣୀ ମନ୍ଦିରରୁ ମା ଙ୍କ ଆଜ୍ଞାମାଳ ଧରି ବିରାଟ ଶୋଭାଯାତ୍ରା ବାହାରି, ସାରା ସହର ପରିକ୍ରମା କରି ରାସ୍ତା ତମାମ ଆଦିବାସି ସଂସ୍କୃତି ନାଚ ସଙ୍ଗୀତ ପରିବେଷଣ କରି ଗୋବିନ୍ଦ ଚନ୍ଦ୍ର ଦେବ ବିଦ୍ୟାଳୟ ପଡିଆ ରେ ପହଞ୍ଚି ଥିଲେ। ସେଠାରେ ଆୟୋଜିତ ଏକ ସଭାରେ ମଞ୍ଚ ହେଇଥିଲେ ଆଦିବାସୀ କଲ୍ୟାଣ, ଆଇନ ବିଭାଗୀୟ ମନ୍ତ୍ରୀ ଜଗନ୍ନାଥ ସାରକା କୋରାପୁଟ ଲୋକସଭା ସାଂସଦ ସପ୍ତଗିରି ଉଲାକା,ସ୍ୱତନ୍ତ୍ର ଉନ୍ନୟନ ପରିଷଦ ରାଜ୍ୟ ଉପଦେଷ୍ଠା ପ୍ରଦୀପ ମାଝୀ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ରାଜ୍ୟ ଉପଦେଷ୍ଠା ସୁଧୀର କୁମାର ଦାଶ, ରାୟଗଡା ବିଧାୟକ ମକରନ୍ଦ ମୁଦୁଲି, ଗୁଣପୁର ବିଧାୟକ ରଘୁନାଥ ଗମାଙ୍ଗ, ରାୟଗଡା ପୈାରାଧ୍ୟକ୍ଷ ପି.ମହେଶ ପଟ୍ଟନାୟକ ଓ ଅନ୍ୟ ପ୍ରମୁଖ ବ୍ୟକ୍ତି ମାନେ ଉପସ୍ଥିତ ରହି ଚଇତାଳି ପୁସ୍ତକ ଉନ୍ମୋଚିତ କରି ଓ ପଲ୍ଲୀଶ୍ରୀ ମେଳାର 300ରୁ ଉର୍ଦ୍ଧ୍ବ ଷ୍ଟଲ ପରିଦର୍ଶନ କରିଥିଲେ ।
ରାୟଗଡା ରୁ ବିନୋଦ ନାଏକ ଙ୍କ ରିପୋର୍ଟ କୋଶଲ ନ୍ୟୁଜ