• ଗୋ ସେବା ବିପର୍ଯ୍ୟସ୍ତ
• ପଞ୍ଚାୟତ କାର୍ଯ୍ୟାଳୟ ଅତି ନିକଟରେ ରହିଥିଲେ ମଧ୍ୟ କର୍ତୃପକ୍ଷଙ୍କ ପଡୁନି ଫରକ୍
• କେବେ ଖୋଲିବ ତାଲା,କେବେ ହେବ କାର୍ଯ୍ୟକାରୀ
ଲାଞ୍ଜିଗଡ,(କୋଶଲ ନ୍ୟୁଜ୍): ଲାଞ୍ଜିଗଡ଼ ବ୍ଲକ ପାହାଡ଼ପଡ଼ର ପଞ୍ଚାୟତ ନିକଟରେ ଥିବା ପ୍ରାଣୀଚିକିତ୍ସା ଲୟ ଏବେ ଖତ ଖାଉଛି କହିଲେ ତ୍ରୁଟି ହେବ ନାହିଁ। ଯାହାଫଳରେ ପ୍ରାଣୀ ଚିକିତ୍ସାରେ କାର୍ଯ୍ୟରତ କର୍ମଚାରୀ ବର୍ଷ ବର୍ଷଧରି କାର୍ଯ୍ୟ କରିବାକୁ ଆସୁନାହାନ୍ତି। ଏହି ପ୍ରାଣିଚିକିତ୍ସାଲୟ ପାହାଡ଼ପଦର ପଞ୍ଚାୟତ କାର୍ଯାଳୟ ଠାରୁ ମାତ୍ର ୨୦ ମିଟର ଦୂରତାରେ ରହିଥିଲେ ସୁଦ୍ଧା ପଞ୍ଚାୟତ କତୃପକ୍ଷଙ୍କ ପଡୁନି ନଜର। ଯାହାଫଳରେ ଗୋ ଚିକିତ୍ସା ସମ୍ପୂର୍ଣ ବିପର୍ଯ୍ୟସ୍ତ ହୋଇପଡ଼ିଥିବାର ଅଭିଯୋଗ ହୋଇଛି। ଏହି ପ୍ରାଣୀ ଚିକିତ୍ସାଲୟ ୫ ବର୍ଷ ପୂର୍ବରୁ କୋଠା ନିର୍ମାଣ ହୋଇଥିବାବେଳେ କୋଠା ନିର୍ମାଣର କିଛିଦିନ ପ୍ରାଣୀଚିକିତ୍ସକ କାର୍ଯ୍ୟ କରୁଥିଲେ କିନ୍ତୁ କିଛି ଦିନ କାର୍ଯ୍ୟ କଲା ପରେ ଏବେ ଆଉ କାର୍ଯ୍ୟକୁ ଆସୁ ନାହାନ୍ତି ବୋଲି ଅଭିଯୋଗ ହେଉଛି। ଏଥିରେ ପାହାଡ଼ପଦର ପଞ୍ଚାୟତର ଶତାଧିକ ଲୋକ ପଶୁ ପକ୍ଷୀଙ୍କ ଚିକିତ୍ସା ନିମନ୍ତେ ନିର୍ଭର କରିଆସୁଥିଲେ। ଏବେ ବର୍ଷ ବର୍ଷ ଧରି ଏହି କେନ୍ଦ୍ର ଠାରେ ତାଲା ଝୁଲୁଥିବାର ଅଭିଯୋଗ ହୋଇଛି। ବର୍ଷ ବର୍ଷ ପ୍ରାଣୀ ଚିକିତ୍ସା କାର୍ଯ୍ୟାଲୟ ନ ଖୋଲିବା ସହ କାର୍ଯ୍ୟଳୟରେ କୌଣସି କର୍ମଚାରୀ ନଥିବା କାରଣରୁ ପାହାଡପଦର ପଞ୍ଚାୟତବାସୀ ଗାଈ, ଛେଳି,ମେଣ୍ଡା ଓ ଅନ୍ୟାନ୍ୟ ପଶୁ ପକ୍ଷୀଙ୍କ ଚିକିତ୍ସା କରିବା ନେଇଁ ବହୁ ଅସୁବିଧା ଭୋଗୁଥିବାନେଇ ସାଧାରଣରେ ଗଭୀର ଅସନ୍ତୋଷ ପ୍ରକାଶ ପାଇଛି। ଅନ୍ୟପକ୍ଷରେ ଲକ୍ଷାଧିକ ଟଙ୍କାରେ ନିର୍ମିତ କୋଠା ଏବେ ଖତଖାଉଥିବା ବେଳେ ଭଙ୍ଗା ଦଦରା ସମେତ କୋଠାର ଚାରୀ ପାର୍ଶ୍ୱରେ ଅନାବନା ଲତା ଘେରିକି ପରିପୂର୍ଣ ହୋଇ ରହିଛି। ପ୍ରାଣୀ ଚିକିତ୍ସାଲୟ ଖୋଲିବାକୁ ଗ୍ରାମବାସି ବାରମ୍ବାର ବିଭାଗୀୟ ଅଧିକାରୀ ତଥା ପ୍ରଶାସନଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ। ପ୍ରଶାସନ ପକ୍ଷରୁ ତୁରନ୍ତ ପଦକ୍ଷେପ ନିଆଁ ଯାଇ ଏହି ପ୍ରାଣୀ ଚିକିତ୍ସାଲୟ ଖୋଲିବା ସହ ଉପଯୁକ୍ତ କର୍ମଚାରୀ ସମେତ ଅନୁସଙ୍ଗିକ ଔଷଧ ପତ୍ର ଯୋଗାଇ ଦିଆଯିବା ନିମନ୍ତେ ଦୃଢ଼ ଦାବୀ କରିଛନ୍ତି ଅଞ୍ଚଳବାସୀ।
ରିପୋର୍ଟ – ମଳୟ ବେନୁଆଁ (ରାହୁଲ୍), ବିଶ୍ୱନାଥପୁର(ଲାଞ୍ଜିଗଡ଼)