୪୫ ଥର ରକ୍ତଦାନ କରି ଚର୍ଚ୍ଚାରେ ଯୁବ ସାମ୍ବାଦିକ

ନୂଆପଡା (କୋଶଲ ନ୍ୟୁଜ୍ )ନୂଆପଡ଼ା ଜିଲ୍ଲା ଖଡ଼ିଆଳ ମିଶନ ହସ୍ପିଟାଲରେ ଜଣେ ମହିଳା ଙ୍କୁ ଗୁରୁତର ଅବସ୍ଥାରେ ଭର୍ତି କରାଯାଇ ଥିବା ବେଳେ ତାଙ୍କର ଏ ପଜିଟିଭି ବ୍ଲଡ଼ ଅତି ଆବଶକ୍ୟ ହୋଇଥିଲା । କରୋନା ସମୟରେ ରକ୍ତ ଦାତାମାନେ ହସ୍ପିଟାଲ କୁ ଆସୁନଥିବାରୁ ପରିବାର ଲୋକେ ରକ୍ତ ପାଇଁ ଡହଳ ବିକଳ ହେଉଥିଲେ l ଠିକ ସେଇ ସମୟରେ କୌଣସି ପ୍ରକାର ସୂତ୍ରରୁ ଖବର ପାଇ ନୂଆପଡ଼ା ଜିଲ୍ଲା ସିନାପାଲି ବ୍ଲକ ସିନାପାଲି ଗାଁର ଯୁବ ସାମ୍ବାଦିକ ଜଗନ୍ନାଥ ସାଗର କରୋନା ମହାମାରୀ କୁ ଖାତିର ନ କରି ସେ ଖଡ଼ିଆଳ ମିଶନ ହସ୍ପିଟାଲ କୁ ପହଞ୍ଚି ଥିଲେ । ସେ ଯାଇ ମହିଳା ଙ୍କ ପରିବାର ଲୋକଙ୍କୁ ସାକ୍ଷାତ କରିଥିଲେ ଏବଂ ରକ୍ତଦାନ କରିଥିଲେ l ଯାହାକୁ ରକ୍ତଦାନ କରିଥିଲେ ସେହି ମହିଳା ଜଣକ ହେଲେ ବଲାଙ୍ଗୀର ଜିଲ୍ଲା ମଖଣ୍ଡ ଗାଁର ବେଳମତି ମେହେର ତାଙ୍କ ବୟସ ୫୦ ପାଖା ପାଖି ହେବ l ଏଭଳି କରୋନା ସମୟରେ ରକ୍ତଦାନ କରିଥିବାରୁ ସାମ୍ବାଦିକ ଜଗନ୍ନାଥ ସାଗର ଙ୍କୁ ପରିବାର ଲୋକେ ଧନ୍ୟବାଦ ଦେଇଥିଲେ l ଜଗନ୍ନାଥ ସାଗର ଙ୍କ କହିବା ଅନୁଯାଇ ଆଜି ରକ୍ତଦାନ କରିବା 45 ଥର ହେବ ଏବଂ ରକ୍ତଦାନ କରି ମୁଁ ନିଜେ ବହୁତ ଖୁସି ବୋଲି କହିଥିଲେ l ଏଭଳି ଅନେକ ଲୋକଙ୍କ ରକ୍ତର ଅସୁବିଧା ସମୟରେ ଠିଆ ହେଉଥିବାରୁ ସାଗରଙ୍କୁ ଜିଲ୍ଲାରେ ବହୁତ ଲୋକ ପ୍ରଶଂସା କରିବା ସହ ବର୍ତମାନ ଜିଲ୍ଲାରେ ଚର୍ଚ୍ଚା ହେଉଥିବା ଦେଖିବାକୁ ମିଳୁଛି lଏପରିକି ରକ୍ତଦାନ କରି ବିଭିନ୍ନ ଜାଗାରେ ପୁରସ୍କୃତ ମଧ୍ୟ ହୋଇସାରିଛନ୍ତି।