ଚଳିତବର୍ଷର ପ୍ରଥମ ବାତ୍ୟା ଆରବ ସାଗରେ ସୃଷ୍ଟି ହୋଇପାରେ। ଏ ନେଇ ଭାରତୀୟ ପାଣିପାଗ ବିଭାଗ (ଆଇଏମଡି) ପୂର୍ବାନୁମାନ କରିଛି। ଆସନ୍ତା ୧୬ ତାରିଖ ମଧ୍ୟରେ ଆରବସାଗରରେ ବାତ୍ୟା ସୃଷ୍ଟି ହୋଇପାରେ ବୋଲି ଆଇଏମଡି ଆକଳନ କରିଛି।ଯଦି ପୂର୍ବାନୁମାନ ସତ ହୁଏ, ତେବେ ଏହା ଚଳିତବର୍ଷର ପ୍ରଥମ ବାତ୍ୟା ହେବ। ଏହି ବାତ୍ୟା ଉତ୍ତର ଭାରତ ମହାସାଗରରେ ସୃଷ୍ଟି ହେବ। ମ୍ୟାନ୍ମାର ପକ୍ଷରୁ ଏହି ବାତ୍ୟାର ନାମ ‘ତୌକ୍ତ‘ ରଖାଯାଇଛି। ସାଧାରଣତଃ ମେ ମାସରେ ଏହି ସାଗରରେ ସାମୁଦ୍ରିକ ଝଡ଼ ସୃଷ୍ଟି ହୋଇଥାଏ।
ସାମୁଦ୍ରିକ ସ୍ଥିତିକୁ ଦୃଷ୍ଟିରେ ରଖି ପାଣିପାଗ ବିଭାଗ ପକ୍ଷରୁ ଲାକ୍ଷାଦ୍ବୀପ, କେରଳ, କର୍ଣ୍ଣାଟକ ଏବଂ ତାମିଲନାଡୁରେ ଆସନ୍ତା ଗୁରୁବାରଠାରୁ ସ୍ବଳ୍ପରୁ ମଧ୍ୟମ ଧରଣର ବର୍ଷ ହେବ ବୋଲି ସତର୍କ ସୂଚନା ଜାରି କରାଯାଇଛି। ଆଇଏମଡି ସୂଚନା ଅନୁସାରେ, ଆସନ୍ତା ୧୪ ତାରିଖ ସକାଳେ ଦକ୍ଷିଣ-ପୂର୍ବ ଆରବ ସାଗର ଅଞ୍ଚଳରେ ଏକ ଲଘୁଚାପ ସୃଷ୍ଟି ହୋଇପାରେ। ପରେ ଏହା ଲକ୍ଷାଦ୍ବୀପ ନିକଟ ଦେଇ ଉତ୍ତର-ଉତ୍ତରପଶ୍ଚିମ ଦିଗକୁ ଅଗ୍ରସର ହେବ। ମେ ୧୬ ତାରିଖ ବେଳକୁ ଏହା ସାମୁଦ୍ରିକ ଝଡ଼ର ରୂପ ନେଇପାରେ ବୋଲି ଆଇଏମଡି ପକ୍ଷରୁ ଜାରି ବିବୃତିରେ ଦର୍ଶାଯାଇଛି।
ଆରବ ସାଗରରେ ସୃଷ୍ଟି ହୋଇପାରେ ୨୦୨୧ର ପ୍ରଥମ ବାତ୍ୟା
ଆମେ ଦେବୁ ସତ୍ୟ ଖବର ସବୁ ଅଞ୍ଚଳ ର ଖବର ସବୁ ଖବର ଆପଣଙ୍କ ପାଖରେ ସବୁ ସମୟରେ।
କୋଶଲ ନ୍ୟୁଜ୍। ଆପଣଙ୍କର ଅଞ୍ଚଳ, ଆପଣଙ୍କର ଖବର।
Comments