କୋଶଲ ନ୍ୟୁଜ୍ ବ୍ୟୁରୋ : କୋଷାଗୁମୁଡା(ସକାଳ) ତା :- ୧୫/୨/୨୦୨୧
ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଅନ୍ତର୍ଗତ ଏକୋରି ଗ୍ରାମରେ ଆଜି ପୂର୍ବତନ ବିଧାୟକ ସ୍ବର୍ଗତ ସମ୍ବାରୁ ମାଝୀଙ୍କ ପ୍ରତିମୂର୍ତ୍ତି ନିଜ ଗ୍ରାମ ଏକୋରି ଠାରେ ପ୍ରତିଷ୍ଠା କରାଯାଇଥିବା ଜଣାପଡିଛି ।
ଏଥିରେ ମୁଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଯୋଗଦେଇଥିବା ବେଳେ ସନ୍ନମାନୀୟ ଅତିଥି ରୂପେ ଡାବୁଗାଁ ବିଧାୟକ ମନୋହର ରନ୍ଧାରୀ , ବରିଷ୍ଠ ବିଜେଡି ନେତା ଯୋଗେନ୍ଦ୍ର ସ୍ୱାଇଁ , ବଦ୍ରି ନାରାୟଣ ସିଂ , କୋଷାଗୁମୁଡା ବ୍ଲକ ବିଜେଡି ସଭାପତି ପ୍ରଶାନ୍ତ ବକ୍ସି , ସଞ୍ଜୟ କୁମାର ପଟ୍ଟନାୟକ , ଭି. ପ୍ରସାଦ ରାଓ, ଲିଙ୍ଗରାଜ ଭତରା, ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷ ମୋତିରାମ ନାୟକ,ରାଧାମହନ ବିଧାର,ଦେବରାଜ ପୂଜାରୀ,ପଦ୍ମନ ଭତ୍ରା,କମଲଚନ ମାଝୀ ଓ ସୁପୁତ୍ର ମତୀରାମ ମାଝୀ ସହ ଅନ୍ୟ ବରିଷ୍ଠ ନେତୃବୃନ୍ଦ ଯୋଗଦେଇଥିବା ଜଣାପଡିଛି ।
ସେହିପରି ସ୍ବର୍ଗତ ବିଧାୟକଙ୍କ ସହପାରିବାର ଏହି କାର୍ଯ୍ୟକ୍ରମ ରେ ଉପସ୍ଥିତ ରହି ପରିଚାଳନା କରିଥିଲେ । ସ୍ବର୍ଗତ ବିଧାୟକ ସମ୍ବାରୁ ମାଝୀ ଜନତା ଦଳ ପକ୍ଷରୁ କୋଡ଼ିଙ୍ଗା ନିର୍ବାଚନ ମଣ୍ଡଳୀ ରେ ୧୯୭୪ ମସିହାରୁ ୧୯୭୯ ମସିହା ପର୍ଯ୍ୟନ୍ତ ବିଧାୟକ ଥିଲେ । ତାଙ୍କ ସ୍ମୁତ୍ତି ନିମନ୍ତେ ତାଙ୍କ ପୁତ୍ର ଓ ନାତି ମାନେ ମିଳିତ ଭାବେ ତାଙ୍କ ପ୍ରତିମୂର୍ତ୍ତି ସ୍ଥାପନ କରିଛନ୍ତି ବୋଲି ବିଧାୟକଙ୍କ ପୁତ୍ର ମୋତିସିଂ ମାଝୀ କହିଛନ୍ତି ।