କୋଶଲ ନ୍ୟୁଜ୍ ବ୍ୟୁରୋ : କୋଲକାତା : ଶନିବାର ସ୍ୱାଧୀନତା ସ୍ୱାଧୀନତା ସଂଗ୍ରାମୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୫ ତମ ଜନ୍ମ ବାର୍ଷିକୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେତାଜୀଙ୍କ ସ୍ମୃତିରେ ଏକ ଡାକ ଟିକେଟ ଜାରି କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀଙ୍କ ସହ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଉପସ୍ଥିତ ଥିଲେ । କାର୍ଯ୍ୟକ୍ରମ ସମୟରେ ମମତାଙ୍କୁ ମଞ୍ଚରେ କହିବା ପାଇଁ ଡକାଯାଇଥିବା ବେଳେ ଲୋକଙ୍କର ସ୍ଲୋଗାନରେ ସେ ବିରକ୍ତ ହୋଇଥିଲେ । ଏହା ପରେ ସେ ତାଙ୍କର ଅଭିଭାଷଣ ନରଖି ମଞ୍ଚ ଛାଡ଼ିଦେଇଥିଲେ ।
ଜୟ ଶ୍ରୀ ରାମ ଓ ବିଜେପି ନାରାରେ ରାଗିଲେ ମମତା ବାନାର୍ଜୀ | ସଭାକୁ ଡାକି ବେଜ୍ଜିତ୍ କରିବା ପ୍ରଧାନମନ୍ତ୍ରୀଙ୍କୁ ଶୋଭା ଦେଉନାହିଁ
ଅନ୍ୟାନ୍ୟ ଖବର ପଢନ୍ତୁ
ଆଜି କୋଲକାତାର ଭିକ୍ଟୋରିଆ ମେମୋରିଆଲରେ କେନ୍ଦ୍ର ସରକାର ନେତାଜୀ ସୁଭାଷ ଚନ୍ଦ୍ର ବୋଷଙ୍କ ନାମରେ ଏକ ଡାକ ଟିକେଟ୍ ଜାରି କରିବା ପରେ ମଞ୍ଚ ପରିଚାଳକ ମମତା ବାନାର୍ଜୀଙ୍କୁ ଅଭିଭାଷଣ ରଖିବାକୁ ଆମନ୍ତ୍ରଣ କରିଥିଲେ । ଏହି ସମୟରେ ଉପସ୍ଥିତ ଲୋକମାନେ ଜୟ ଶ୍ରୀ ରାମ ଏବଂ ବିଜେପି ସପକ୍ଷରେ ସ୍ଲୋଗାନ ଦେଇଥିଲେ । ଏଥିରେ ମମତା ବାନାର୍ଜୀ କ୍ରୋଧିତ ହୋଇଥିଲେ । ସେ ରାଗିଯାଇ କହିଥିଲେ, ‘ଏହା କୌଣସି ରାଜନୈତିକ ଦଳର କାର୍ଯ୍ୟକ୍ରମ ନୁହେଁ । ଏହା ହେଉଛି ସରକାରଙ୍କ କାର୍ଯ୍ୟକ୍ରମ ଏବଂ ସରକାରଙ୍କ କାର୍ଯ୍ୟକ୍ରମର ଗରିମା ରହିବା ଆବଶ୍ୟକ । ଏହି କାର୍ଯ୍ୟକ୍ରମରେ ମୋତେ ନିମନ୍ତ୍ରଣ କରିଥିବାରୁ ମୁଁ ପ୍ରଧାନମନ୍ତ୍ରୀ ଏବଂ ସଂସ୍କୃତି ମନ୍ତ୍ରଣାଳୟକୁ ଧନ୍ୟବାଦ ଦେଉଛି । କିନ୍ତୁ କୌଣସି ବ୍ୟକ୍ତିକୁ ନିମନ୍ତ୍ରଣ କରି ବେଜ୍ଜିତ୍ କରିବା ଶୋଭା ଦେଉନାହିଁ’ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉଦ୍ଦେଶ୍ୟରେ କହିଥିଲେ । ସେ ଆହୁରି ମଧ୍ୟ କହିଥିଲେ ‘ମୁଁ ଏହାକୁ ବିରୋଧ କରି ମୋର କୌଣସି ବକ୍ତବ୍ୟ ରଖିବି ନାହିଁ । ଜୟ ଭାରତ, ଜୟ ବଙ୍ଗଳା ।
‘ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେତାଜୀଙ୍କ ୧୨୫ ତମ ଜନ୍ମ ବାର୍ଷିକୀରେ କୋଲକାତାରେ ପହଞ୍ଚି ସେ ଜାତୀୟ ପାଠାଗାର ପରିଦର୍ଶନ କରିଥିଲେ । ମମତା ବାନାର୍ଜୀ ବକ୍ତବ୍ୟ ଦେବାକୁ ମନା କରିବା ପରେ ପ୍ରଧାନମନ୍ତ୍ରୀ ନିଜ ଭାଷଣରେ କହିଛନ୍ତି, ନେତାଜୀଙ୍କୁ ବ୍ୟାଖ୍ୟା କରିବାକୁ ଶବ୍ଦ କମ୍ ପଡ଼ିଯିବ । ନେତାଜୀଙ୍କ ପରି ଦୂରଦୃଷ୍ଟି ହେବା ପାଇଁ ନେକ ଜନ୍ମ ନେବାକୁ ହେବ । ସେ ଆହୁରି ମଧ୍ୟ କହିଛନ୍ତି, ନେତାଜୀ ଦୁନିଆର ସବୁଠାରୁ ବଡ଼ ଶକ୍ତି ସାମ୍ନାରେ ଛିଡ଼ା ହୋଇ କହିଥିଲେ ଯେ ମୁଁ ତୁମଠାରୁ ସ୍ୱାଧୀନତା ମାଗିବି ନାହିଁ, ମୁଁ ଏହାକୁ ଛଡ଼ାଇ ନେବି । ଆଜି ଦିନରେ କେବଳ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ହୋଇନଥିଲା, ବରଂ ଭାରତର ଆତ୍ମ ସମ୍ମାନର ଜନ୍ମ ହୋଇଥିଲା । ନୂଆ କୌଶଳର ଜନ୍ମ ହୋଇଥିଲା ବୋଲି ପ୍ରଧାନମନ୍ତ୍ରୀ କହିଛନ୍ତି ।
ଆମେ ଦେବୁ ସତ୍ୟ ଖବର ସବୁ ଅଞ୍ଚଳ ର ଖବର ସବୁ ଖବର ଆପଣଙ୍କ ପାଖରେ ସବୁ ସମୟରେ।
କୋଶଲ ନ୍ୟୁଜ୍। ଆପଣଙ୍କର ଅଞ୍ଚଳ, ଆପଣଙ୍କର ଖବର।
Prev Post
Comments